芒果瑞士卷 - 附食譜

芒果瑞士卷

芒果真係個個都啱食, 無辦法!





軟林林, 正啊!






我好似越黎越卷得靚, 其實唔係有時都有d靚地方, 

不過而家識得遮下醜怪0既地方唔蒲出黎啫!



其實無整蛋卷已經幾年喇, 但整開又好似停唔到手咁!

如果想動下手自己整, 就要睇番以下食譜喇!

今次自己食譜, 集合呢排0既感覺 ! 其實用咗4至5個

食譜試架喇! 覺得呢個啱我, 我同家人最鍾意.

材料：

A) 蛋黄                            4隻  (中型蛋)  大約90g

     糖                               20g  

     菜油                           30g

     鮮奶                           40g    (淡奶也可)
                  
B) 蛋白                            6隻  (中型蛋)  大約180g     

      砂糖                           60g   

      鹽少許                     ( 幾粒幼鹽)

      白醋或檸檬汁幾滴 

C)  低筋粉                       95g                              

      ~~~~~要先過篩2次備用~~~~~

饀料  :

淡忌廉200g加砂糖18g打起    (如果懶就可以200g甜忌廉打起就得喇)

芒果適量       (做多咗我覺得都係多d 忌廉正d )

做法：

1.    (B材料) 蛋白打至起泡，加鹽，打至细白泡沫，

立刻分3次加入砂糖，打至提起有彎鉤。

2.    (A材料) 蛋黄和砂糖坐暖水大約40度左右混合，

攪拌到變淡黃微微杰身，加入全部菜油拌勻，
再分次加入奶。係呢個時候篩入低筋粉拌勻.

3.      把1/3蛋白加入到蛋黄中，拌匀。將蛋黃糊倒回2/3蛋白
         糊拌勻。

4.      把面糊倒入鋪了油纸的焗盆中，雙手揸住焗盆拷幾下,
         下面再放多一個烤盆， 放入已預熱175度的焗爐(上下火)，
          焗15 - 20分鐘至表面上色均匀, 如發現一邊深色少少, 焗至
          一半時間左右,快手轉個位置不要影響蛋糕。

5.      出爐把蛋糕體倒扣放在新牛油紙放在涼架上，解開四角
         的撕開蛋糕體的牛油纸蓋回放凉。

6.       查忌廉的一方打橫輕輕介上幾刀, 把打發的淡忌廉抹平，
          留下四邊少少位不用查了, 因為卷的時候會有少許走到邊
          位置，排上芒果，卷起来，用油纸包好，放
          入雪櫃最少雪 2個鐘定型，攪掂。


少少分享 ! 希望大家都做到自己喜愛0既瑞士卷!

請大家多多支持讚好吖! 

https://www.facebook.com/conconkitchen

*想知道其他瑞士卷食譜, 請找蛋糕分享裡面0既蛋卷
  分享就有好多不同配搭架喇!