韓式泡菜大蝦芝士煮年糕
材料唔駛好多, 但係味道就真係一流!
當你試過, 你都會覺得, 原來唔鍾意食泡菜, 都會覺得好味,
鍾意食泡菜0既, 更加覺得泡菜可以咁煮法, 真係掂 ! 又多
一個藉口鍾意佢 ! 哈 !
如果請朋友黎食整呢款菜式, 我就覺得會大讚 !
淨係個賣相都夠照啦, 見到都會想食架 !
材料 :
鮮中蝦 10隻 (今次用量)
韓國年糕 1/3 包 (超巿或售賣韓國食品店有售)
芹菜 2 棵
泡菜 2/3 瓶 (我今次用量)
草菇 4粒 (切片)
青色燈籠椒 半隻 (切条備用)
上湯 400ml (如果唔落芝士300ml也可)
蔥 1 棵 (切段備用) 喜愛的話加些芫茜也可
芝士 mozzarella 300g (我落咗, 但係如果唔like芝士可以唔落)
做法 :
1. 先將年糕大約大半碗, 用水煮至接近林身但要有趙口個種, 大林唔好
食, 但係呢個時候要預番比起煮好時感覺要梗一些, 因為一陣會再
番熱, 也會再林一點點 !
2. 將中蝦煎至4成熟, 放入草菇泡菜上湯, 煮大約2分鐘, 放入其餘青椒,
芹菜, 年糕同煮2分鐘.
3. 放入蔥段及芝士, 芝士溶就可以上碟!
~~~~~~放入所有材料之後, 緊記要試味, 看看足夠不足夠, 尤其是泡菜味,
要配合自己要求, 覺得最滿意為止! ~~~~~~
沒有留言:
發佈留言
歡迎大家俾意見多多指教!