紫菜肉鬆海蜇涼拌豆腐
呢個夏天, 懶洋洋都可以好好餸喔! 唔駛煮, 好味, 大
人細路都鍾意, 正 !
呢款麻油, 特別香, 都唔錯, 大家可以試下!
日式醬油汁.
我比較鍾意簡單可以做到又好味0既菜色 !
材料好簡單 :
百福蒸煮豆腐 一盒 ( 我買大, 2口子的可以買細就夠喇 ! )
海蜇 半碗 (鍾意食就落多d 無乜所謂)
肉鬆 半碗 ( 都係個句鍾意落多d , 呵呵)
調味 :
日式醬油 4湯匙
豉油 (生抽) 2茶匙
麻油 2-3茶匙 (視乎你喜愛麻油程度)
糖 半茶匙 (可以不放)
做法 :
1. 將豆腐蒸5分鐘, 放涼後放入雪櫃, 如果唔想食涼涼凍凍的豆腐,
就可以唔放入雪櫃, 不過都要放涼!
2. 將所有調味混合拌勻後加入海蜇.
3. 將已拌勻海蜇放在豆腐面, 再放上肉鬆, 再放紫菜! 完成!
* 溫馨提示
記住要食前, 開飯喇, 先放材料醬汁放豆腐面, 未食就唔好放住,
會出水同無咁靚仔啊 ! d 紫菜同肉鬆更加唔可以添!
沒有留言:
發佈留言
歡迎大家俾意見多多指教!