拍..拍..拍青瓜

拍..拍..拍青瓜 

酸酸甜甜的, 超醒胃, 前菜小吃, 暑氣全消啦!



所謂牡丹雖好, 都要有綠葉扶持, 有時放假我都鍾意整

多一至兩味餸菜, 慢慢嘆, 但係又唔想花了整天去做一

兩個菜式, 因為都要處理平時無時間做0既家務, 所以

會搵d 易做又好味0既小吃!

材料簡單 :

1. 青瓜                              1条

2.  甘筍                           半条

3.  蒜茸 (切碎)               3粒  (如不太喜歡生蒜味可放2粒)

4.  指天椒                        1隻  (切碎)

5.  白醋                            4湯匙

6.  糖                                 2茶匙

7.  幼鹽                             1茶匙

做法  :

1.  將青瓜去核切条, 用刀打平拍一拍青瓜, 務求要青瓜裂裂地.

     將幼鹽用手拌入青瓜, 輕輕搓勻佢, 有少少好似洗衫咁, 唔

     駛太大力, 放埋一邊,備用.

2.  甘筍我切咗片, 用細煲放少少水, 水滾放入甘筍, 甘筍一轉色,

      即刻撈起, 過冷河 ! 格清水份, 以免影響調味料味道, 這樣

      做會去除甘筍的鯹味, 但有些人唔介意就唔駛做呢個步驟喇!

3.    將醋, 糖, 蒜茸粒, 指天椒 (如果想辣d , 用瓷更壓一壓辣椒) ,這些

       拌勻, d 汁我會搵個袋袋住佢, 當然用碗都得,緊記, 味道要先試

      試啱自己口味調教好才放入青瓜, 這時候要濃少少, 因未放青瓜,

      放咗青瓜甘筍就會淡番少少架!

4.   係呢個時候, 個青瓜會有少少水出現,  我地唔要d 水, 淨係攞起青

       瓜放入碗(或袋) 中, 放入雪櫃, 食飯前上碟! 攪掂!



*  溫馨提示

當拍青瓜在雪櫃等候期間, 得閒經過就反一反佢, 所以我用袋, 將個

袋反轉就是, 當然你要確保個袋唔漏啦! 

請大家多多支持讚好吖! 

https://www.facebook.com/conconkitchen