2014年3月5日星期三

麻辣大魚頭鷄煲

麻辣大魚頭鷄煲




今次個煲加咗麻辣, 超級惹味啊!





同場加映冷盤, 將蝦先蒸放涼, 整個汁就得喇,

我係咁懶架喇, 要整d 唔駛咁複雜先想整, 最

緊要快, 靚, 正!

唔好食快都無用, 唔靚見到都唔開胃, 又都係唔得!



個麻辣湯食完之後我加d 牛肉同烏冬菜, 真係飽

到無朋友! 好味到震, 快d 試下啦!





材料簡單:

1.   當然唔少得一個大魚頭啦!

2.   鷄份量半隻定一隻, 就要睇多唔多人食, 二人都要半只啦,

       太少又唔得, 我地4個人食, 用咗一隻鷄, 好和味, 食晒,

        不過我地係大食0既, 如果一般食量0既朋友可以留起

        肶翼, 下餐雲耳蒸鷄, 或豉油食番啦0

3.   跟住預備d 薑6片,蔥適量(隨自己喜好,,蒜仔2条,芹菜4棵,

         乾蔥2粒,蒜頭3小粒!

4.  今次麻辣味要加番d 花椒八角適量(大約半湯匙),指天椒

       大紅辣1隻,   乾辣椒6-8隻, 麻辣油1.5湯匙 (我地唔係好辣得)

以上係我用0既份量.

做法  : 

1.    在鑊中下 3 片薑同蒜頭煎魚頭, 煎至金黃色, 放入兩湯碗滾水.

        乾辣椒,花椒八角, 滾起放入大個煲中備用.

2.    少許油下餘下3片薑, 指天椒和乾蔥炒鷄, 炒至半熟時, 放入蒜仔,

       繼續炒2分鐘, 只取出蒜仔, 下3湯匙生抽, 半茶匙糖, 喜歡

       有酒味的話,可放些玫瑰露酒, 兩湯碗滾水煮鷄 ,煮3分鐘

       後, 倒入魚頭煲中,在煲中煮10分鐘後, 放入之前的蒜仔

       和芹菜,大紅辣椒同蔥, 滾起就可以放出飯枱, 一路煲一

       路吃, 超好味!  

沒有留言:

發佈留言

歡迎大家俾意見多多指教!