歐式農村小圓包 - 附食譜

歐式農村小圓包




我地通常去食法國菜或者義大利菜, 在用餐前都會

送來一些包包, 呢款係其中一種, 我都好鍾意食, 就

咁查牛油, 或者点橄欖油 同 醋都超正0既小包包!

入面好香麥味, 出面層皮脆脆地咁, 暖暖地食, 真

係無得頂吖!



咦, 咁咪要學多d 法式同義大利餐去襯托番d 包包囉!

 

雖然好似煩複咗d , 但都值得0既!



今次做了6小個, 份量啱啱好, 我建議唔好整咁多,

如果唔係實忍唔住食晒d 包都食到飽飽啦!.



一出爐就真係受唔住誘惑, 即刻食咗2個, 真係覺得

好香麥味, 一流啊!

食譜 

材料  : 

高筋粉                         170g

粿麥粉                           15g

全麥粉                           15g

幼海鹽                                4g

糖                                    2g

鮮酵母                            8g  (乾酵母4g就可以)

水                                 120g

做法  :

1.   將粉類加糖和水先混合搓勻 (搓勻即可).

2.   加入幼海鹽搓勻, 要完全搓勻.

3.   再加入鮮酵母搓至滑身薄膜.

4.   放入一個袋入面已查了菜油或橄欖油(烘焙用)裡面.

5.   發酵90 分鐘 ( 如熱天只要70分鐘), 取出麵糰輕輕搓幾下搓圓.

       放回袋中發酵30分鐘後,即放入雪櫃裡面低溫發酵大約12小時.

6.   取出放回室溫1小時後取出搓圓, 分成6小個圓麵糰 於焗盆中發

      酵至2倍, 面介十字噴水, 入爐焗20分鐘至25分鐘, 見上色便

      可出爐了.