雜果芝士撻
我自己都好鍾意, 有生果, 有我鍾意0既芝士撻口味,
真係好滿意 !
先做好撻皮, 咁己經完成咗一半 !
見到都好開心, 如果唔係自己食, 送俾人, 收到0既人都
會好開心啫! 實會嘩 嘩聲啦 !
食譜 :
7吋撻皮材料
牛油 50g
糖 25g
鷄蛋 20g
低筋粉 95g
杏仁粉 15g
雲尼拿油 1 / 3 茶匙 (可以不放)
做法
1. 牛油和糖用打蛋器打至淡黃色, 分2次蛋入蛋, 加入雲尼拿油 !
2. 低筋粉和杏仁粉混合, 用切入法將低筋粉切入法拌入牛油中,
搓成一舊, 用保鮮紙包好放入雪櫃, 雪1小時.
3. 取出後, 用棍壓平舖入撻皮模中 , 用叉篤小孔, 焗爐預熱
200度 , 焗15分鐘, 如家中焗爐上火很猛烈的話, 可舖塊
錫紙, 以免焗燶 !
芝士饀材料
1. 忌廉芝士 250g
2. 淡忌廉 125g
3. 檸檬汁 1.5 茶匙
4. 檸檬青 適量 (大約1 - 1.5 茶匙)
做法
1. 忌廉芝士 (預先室溫) 和淡忌打勻, 打勻後加入
檸檬汁和檸檬青拌勻即可 !
2. 將饀料舖入己放涼之撻皮, 再放上喜歡的生果, 放入雪櫃
雪3 - 4 個鐘以上, 最好做法我自己認為芝士蛋糕和芝士撻
一樣如前一天做, 第日芝士味更出, 如怕生果無咁靚, 可先
雪撻, 第日再放上生果也可 !
請問淡忌廉要先打起再和忌廉芝士混合嗎?
回覆刪除唔駛打起, 混合一齊打滑就可以喇 !
刪除謝謝你啊! 你造的蛋糕很漂亮。
回覆刪除