香煎三文魚配香草白汁磨菇- 附食譜做法

香煎三文魚配香草白汁磨菇 



以往無接觸太多西菜時, 覺得三文魚都係魚生食法, 

或者燒就OK, 用另一d 煮法就覺得麻麻地, 但係而

家知道好多唔同煮法都好好食, 當然要配搭適宜啦!

呢個係其中之一, 係度同大家分享, 希望你地鍾意!



首先係買三文魚, 睇下咁咪靚囉, 而家好多魚檔都有成条

攞番黎賣, 切開一片片,任你要幾厚切幾厚俾你! 仲會幫你


起骨!




我今次買d 磨菇係city super買, 好靚好大隻, 好香!



碟三文魚見到都垂涎三尺, 又食得又睇得!




材料 :

~~~四人份量~~~

三文魚                             2片

磨菇                                適量  (我都係買咗5隻)

洋蔥                                1/4  個     (切細粒)

蒜頭                                2粒           (切碎)

百里香                            1/4  茶匙

俄力岡                            1/4  茶匙

牛油                                10g

鮮奶油                             20ml

上湯                                 200ml

麵粉                                 1 湯匙

做法  :  

1.  先做醬汁, 將磨菇用少許牛油略煎, 備用.

2.  放少許橄欖油放入蒜和洋蔥略炒轉色, 放入牛油, 再放入麵粉,

       要用細火慢炒, 不要燶! 炒至拌勻.

3.  放入上湯,鮮奶油, 香草同煮, 細火或中細火, 不要煮燶, 因大火

      好易滿捨同燶! 煮至開始有少少杰就熄火, 備用.

4.   三文魚撲上少少粟粉, 煎至金黃色, 要煎至脆面呀! 煎得唔夠,

      無咁正架!