2014年1月8日星期三

古法糉葉蒸年糕 - 附食譜

古法糭葉蒸年糕

放涼咗之後會深色咗, 好靚啊!



呢個又易整又好味, 又煙靳, 好正! 

啱啱蒸好個顏色同樣最靚仔。



未蒸前就係咁淺色啊! 原來自己整係好味好多0既 !



食譜  : 

李祥和糯米粉                         378g

增城片糖                                350g

水                                            343g

花生油                                     26g

糉葉                                         5片  (要用煲滾水烚煮15分鐘,去除苦

                                                       澀味,清潔抹乾 搽油備用)剪下d 葉靚仔d.

做法  :

1.  片糖和水混合煲至糖溶  (請不要大火) 放涼備用

        * 我搵茶葉袋再過濾, 怕有雜質或未溶0既糖.

2.  將放涼糖水分4-5次加入糯米粉中拌勻, 不要太

       快和太大力, 否則起泡, 蒸出黎有氣泡遍佈糕中.

3.  將油分2-3次拌入粉中, 緊記一定要攪拌均勻.

4.  用大火蒸1.5小時, 用竹簽在中間位置插入,試

      試還有沒有粉漿貼住, 如沒有,表示熟透.

      如有粉漿要繼續蒸.  蒸時候一路要加水, 要大

      量水蒸氣蒸, 糕先蒸得靚啊!

* 超Q潤年糕, 注意細節, 無失手, 超容易. 大家一齊過靚年!

   勁好味呀!!!!!!!

我用了7吋籠子, 再舖上一層烘焙紙, 再舖糉葉, 糉葉記得

搽油呀, 倒入已攪拌好0既糕漿, 我沒有新式蒸爐, 所以要

每格15分鐘加熱水, 一定要係加好熱0既水,以免溫度相距遠.

1 則留言:

歡迎大家俾意見多多指教!