葡式蛋撻 - 好食懶人快版
又好食, 好快, 今次唔自己搓皮, 懶人版, 快靚正, 想做就去做,
想食就去食, yeah !
簡簡單單, 好鬼好味, 其實都要多謝肯德基, 我呢2 -3 次去食
餐加0既葡撻都一次比一次失望, 真係唔知佢攪乜鬼, 好似搵
夠咁, 都唔諗住你下次幫襯, 簡直係趕客!
無辦法, 有時唔到你唔整, 自己整咗, 又係個隻, 無得番轉頭,
家人都會話, 以後唔好再係出面買, 自己整啦!
買包現成0既皮就得啦, d 蛋液拌勻就係喇 , 超 快,靚, 正 !
食譜
酥皮 一塊 (我用咗)
蛋漿
鮮奶 50ml
淡忌廉 100ml
蛋黃 2個
練奶 1茶匙
砂糖 16g
做法
1. 鮮奶細火煲熱溶糖, 至糖全溶，加入練奶，再加入淡忌廉, 再加入蛋黃快手拌勻過篩, 即可 !
2. 撻皮放入撻模前灑少許薄薄的粉才舖上撻皮, 撻皮用叉吉小小窿,
倒入蛋漿, 再放入己預熱220度之焗爐, 220度焗15-20分鐘, 請留意自己焗
爐火力, 我焗了8分鐘左右, 轉回200度焗了共18分鐘, 上色, 面有少許焦,
就可以出爐了.
~~~~我今次做了7個蛋撻, 蛋漿我倒8-9成滿, 因為唔想佢太凹 ! 倒滿d , 但又
唔可以瀉 !~~~~~~~~食譜來自cook 一 cook ! ~~~~~~~~~
超快就有新鮮出爐熱辣辣0既葡撻食, 真係太好喇!
請大家多多支持讚好吖!
真喺q, 我剛有現成皮整蛋撻, 今次可以試吓你哩個, 多謝你分享,
回覆刪除