朱古力味啱啱好,唔錯,整咁多蛋糕,反而對磅蛋糕
接觸率極少,今次又整下啦! 有啱0既食譜就有啱
0既蛋糕出現,哈!
呢個真係食起上黎有d 似莎莉蛋糕啊! 真可愛,嘻嘻!
食譜來自facebook 朋友, 佢地非常喜歡分享美食,
我都係,志同道合, 多得佢分享食譜!
食譜 :
材料 : 金罐牛油 120g
粟粉 35g
低筋粉 90g
奶 16g
糖霜 90g
泡打粉 1/4 茶匙
橙香油 1 茶匙 (可放可不放)
蛋 2隻
可可粉 15g
提子乾 適量 (可落可不落,我沒有落)
鹽 1/4茶匙 (我會加番)
做法 :
1. 牛油糖霜打成奶白色
2. 蛋先打散, 及分次加入1裡面,及用機打勻. (邊打邊下蛋)
3. 分幾次加入己篩過麵粉,泡打粉,粟粉和可可粉攪勻.
4. 最後加入奶,分次打入,打成幼滑麵糊.
5. 快手加入橙油,和提子乾................(如落的話)
6. 入預熱焗爐160度, 焗40-50分鐘, 用竹簽試, 因每個爐溫不同.
7. 取出放涼後即可食用, 放入雪櫃後有点似莎莉蛋糕,
試後看看有沒有同感!
食譜由Tammy Li 提供
沒有留言:
發佈留言
歡迎大家俾意見多多指教!