其實相識是一種緣份, 當然有好有壞!
當然幾好都有, 幾差都有, 睇個排係
時運高定時運低啦, 哈!
認識到啱傾0既同事,而你地又唔會係
工作上有極端0既磨擦, 離開公司後
繼續可以得閒相聚下, 真係一件樂事.
大家傾下計, 講下近況, 講下D 得意野, 真係好
開心!
今次去其中一位舊同事屋企, 難得佢唔怕麻煩
肯招呼我地呢D 爛玩鬼, 嘻嘻! 真係好架啫! 錫晒佢!
好羡慕佢可以有咁大地方, 真係我0既DREAM HOUSE,
可以養下狗狗, 仲有兩間屋俾狗狗添!
種下花草樹木, 你知啦, 如果係我,我又種到周圍
都係香草同蕃茄, 檸檬樹都似, 哈!
燒野食時間, 好多野食, 望落唔似太多, 但係其實
每次燒野食都係眼闊肚窄, 無辦法!
今次有多春魚, 有羊架, 有牛柳粒, 有台灣腸, 有2款
唔同口味0既鷄翼, 仲有蝦, 墨汁丸,蕃薯, 粟米, 豬扒,
總之食極都食唔晒啦! D 野食又好味, 簡直唔停得口
啦! 遇到好同事真係好開心, 因為隨時對同事
0既時間仲多過家人, 如果遇到一D 極品, 咁就慘
喇!
俾我發現咗一個好大0既打火機啊! 攪笑下啫!
沒有留言:
發佈留言
歡迎大家俾意見多多指教!