簡單易做
呢款黑椒德國咸豬手, 整出黎都有番咁上吓睇頭之餘,
仲要好好味添 !
呢款又易整又激讚0既菜式, 試問大家又點可以錯過呢?
呢個黑椒德國咸豬手,超得,好惹味!
煑法 :
先買黎一隻急凍咸豬手,係超巿買已經得喇,我今次係惠康買,
買番黎薑蔥先出水, 然後用水沖2分鐘, 用厨房紙印乾水,少少
油放二粒蒜頭,兩邊煎一煎佢, 放入水要剛剛蓋過豬手,再用中
火至細火續煮, .調味用老抽4湯匙,生抽2湯匙,半湯匙糖,煲半
小時左右, 焗半小時, 再煲15分鐘, 煲到d 皮用筷子可穿入去,
用筷子試時候,你會好明顯之前同之後係唔同,前者死實實咁,
煲好會係有彈性咁林林地, 完全唔同感覺架.
在這個時候豬手大約炆淨番一半汁, 就放少許油爆香洋蔥,放
入咸豬手煲裡面, 再加黑椒碎, 用少少大約半茶匙粟粉收汁,
收汁前要試味是否合自己心意,個汁亦不需要太咸,因咸豬手
本身也有少少味.
沒有留言:
發佈留言
歡迎大家俾意見多多指教!