心太軟 - 附食譜

心太軟 - 附食譜

真係好正呀,d 流心見到都流口水啦,係咪先!



今次真係威威啦,家人超讚啊!好開心呢!



我今次用咗2倍份量,因為看食譜唔知可

以做幾多柸,又驚唔夠,所以做咗8柸,但錯

有錯着,家人要再黎一個,哈,即刻有貨!即

刻焗多個俾佢.咁賞面,梗係開心啦!


係咪好流心,好正呢 !我就好鍾意喇,中間朱古

力漿香香滑滑咁!



再近d 睇下! 呢度係8柸份量黎架!


食譜分享 :  8小柸份量,如果4人減半就得喇!材料   :

低筋麵粉   :      5湯匙

蛋黃   :              6個

蛋白 :                3個

黑朱古力    :  170g

糖    :               6湯匙

無鹽牛油  :         170g

不溶糖霜  :      適量     (裝飾用) 

士多啤梨 :    6粒   (大)細粒要8-10粒 , 加3大匙糖做糖漿,

 (這個可有可無,有梗係好d 啦! 哈!)  
做法：

呢個步驟一定要做!梳乎厘杯或小蛋糕柸, 如是平底, 在平底部

份剪一張細細牛油紙、杯邊掃一層牛油溶

液, 灑上普通糖霜或(麵粉也可)備用.

1)  黑朱古力及牛油各自座溶，然後兩樣混合成朱古力漿

2)  將蛋黃、蛋白、糖混合打勻至淡黃色，加入朱古力漿拌勻

3)  將朱古力蛋漿,加入已篩兩次之麵粉,拌勻.

4)  朱古力麵糊倒入已掃牛油及已墊牛油紙既梳乎厘

    杯中、入雪櫃,我雪咗4個鐘.飯後攞出黎焗.
5)   食既時候放入焗爐180度焗10~13分鐘，需視符火力.

     (我有預熱焗爐180度10分鐘)溫馨提示 ：

可以睇下個蛋糕表面如果剛好凝結後焗多2分鐘

每個焗爐火力唔同所以要自已判斷，焗得太耐會變實心.

杯面側邊同中間一樣就太熟,無咁正,面層中間剛熟,仲係

令身,咁焗多兩三分鐘就正喇,記住呀!

* 我就焗咗10分鐘180度,全程!
今次食譜嗚謝大少奶,全靠佢有咁好食譜分享,先

有我呢個心太軟出世啊!