Bibo - 法國菜

Bibo 法國菜生日飯

此店位於上環

好特別0既丁一間餐廳, 入面0既擺設, 目不暇給, 好豐富, 

好有藝術氣氛, 雖然我唔係一個藝術家, 但係都感受到佢

入面擁有0既一股藝術色彩 !



落樓梯喇, 哈哈, 不錯吧, 好有feel !



入去昅昅先 !我行得好慢, 好想望清楚, 因為每兩

三步都別有洞天 !



位於上環荷李活道蘇豪區, 其實如果去過文武廟, 其實

佢係佢斜對面 !



每一個角落都有佢0既特色 !

都係時候坐低, 服務員好殷勤同帶著微笑有禮款待 !



我今次去光顧係品嚐 Brunch 0既菜式 !慢慢食, 1點30分開始, 

我都唔記得佢係食幾耐, 我就 3 點左右離開 ! 

飲品任飲, 哈, 你唔好以為任飲可以飲d 咩, 佢地都好有誠意,

就算一柸果汁, 你都感覺生果用料上盛, 而佢只係一柸西瓜汁

都好好味, 西瓜汁唔會淨係得水, 微帶果肉, 但果肉已碎到好幼滑 !



先是頭盆, 有5款可選擇, 我地4個人, 又想食唔同0既野, 咁就

叫咗4款頭盆喇 ! 有巴馬火腿pizza , 有龍蝦肉配溫泉蛋 !



海膽配蠔加入青檸汁(係佢地自家調配味道) 好特別同好味, 好正 !

煙三文魚都係自家煙0既口味, 感覺到魚新鮮醃製, 味道適中, 配上

頂部芝士醬 !



鵝肝漢堡牛扒包, 好邪惡, 仲要係咁鬼好食, 仲要配2兜

新鮮熱辣辣薯 ! 連好憎食炸物0既相公都係咁食!



牛肉他他, 唔周圍有得食, 而且要對佢出品有信心先好叫,

既然佢呢度一致好評, 我又不防試下吖 !

連家人都連讚, 呢款牛肉他他, 做得好 !



呢款意粉必食, 我覺得, 如果可以0既話, 點解咁講,

請問你有幾多個胃先, 咁多樣都好食, 但係當只係

兩個人食0既時候就要選至愛喇 !

但我真係覺得呢個義粉無得輸 ! 用三重芝士去煮, 

好食都震, 我勁 like !



香煎鱸魚, 呢一款雖然唔會好驚喜, 但睇到廚師0既功架 !

魚0既口感皮脆肉嫩多肉汁, 鮮味足夠, 香口, 但不油膩 !



食飽飽又巡一巡 !



餐廳真係好有特色, 我好鍾意, 會再黎 !



連簡單0既牆都變成不簡單啊 !



因為有甜品, 所以佢地送上0既唔係生日蛋糕仔, 係生果盆!



呢款香橙pancake, 黎到再淋一些酒, 點火, 好有橙味 !



其實真係好飽, 但係因為樣樣都咁美味, 無辦法唔食, 

太好味喇 !





請多多支持我的專頁吖! 

https://www.facebook.com/conconkitchen