白汁磨菇配百里香煎豬扒

白汁雜菇配百里香煎豬扒

雖然話說簡簡單單煎豬扒,  只要花少少配搭同心思, 

就已經唔同晒, 見到都好想食!



我今次做法及材料都係平時日常容易買到, 以前可能

想買新鮮香草, 未必咁容易, 但係而家煮西餐已經唔會

比人覺得你其怪, 因為對西餐0既資訊廣泛咗之餘, 同埋時代

轉變都係有莫大關係, 因為而家大家都會對紅酒唔陌生, 

當食西餐時候配番柸紅酒, 都係一種享受 !



材料

豬扒                                  6件              

磨菇                                 6粒左右   (其實我今次係屋企有乜整乜, 所以係什菇)

百里香                             4条           (其中一条拌碟)

醃豬扒 :
                          
乾百里香                         半茶匙     

海鹽                                  1/4 茶匙

糖                                      少少    (幾粒, 象徵式落可以)

白餐酒                               1茶匙

黑椒碎粒                            少許( 好少, 以免搶走百里香味道)

做法

拌勻醃料就可以煎, 不雖要醃太久 ! 煎時放入其餘3条新鮮百里香同煎便可 !

磨菇白汁

磨菇                                適量        (或什菇)

洋蔥                                1/4  個     (切細粒)

蒜頭                                2粒           (切碎)

百里香                            1/4  茶匙

俄力岡                            1/4  茶匙

牛油                                10g

鮮奶油                             20ml

上湯                                 200ml

麵粉                                 1 湯匙

做法  :  

1.  先做醬汁, 將磨菇用少許牛油略煎, 備用.

2.  放少許橄欖油放入蒜和洋蔥略炒轉色, 放入牛油, 再放入麵粉,

       要用細火慢炒, 不要燶! 炒至拌勻.

3.  放入上湯,鮮奶油, 香草同煮, 細火或中細火, 不要煮燶, 因大火

      好易滿瀉同燶! 煮至開始有少少杰就熄火, 放入碗中配食便可!