日本之旅第一天旅程 ~ 錦糸町
2017 ~ 3月之旅
到步一出JR 行了一個街口, 就看見開得非常燦爛的櫻花.
晴空塔就在酒店附近, 好容易已經望到 !
但今次旅程畢生難忘, 至於點解, 其實都係自己攞黎,
己經好多人勸我, 俾咗警告我, 話佢好難頂, 我又未知事態
咁嚴重, 中伏! 至於點解, 都唔想講, 總之交朋友小心就是 !
去旅行, 竟然表露晒佢, 又絶情, 又自私, 又自大 , 又野蠻,
又無禮貌0既一面, 盛女之中 0既極品!
攞咗房，是但醫咗肚先，雖然一般，最緊要係班機遲咗起
飛，餓死我，食咗先講。
快d 出去巡視下業務先啦！
嘩，櫻花已經開得好燦爛喇。
放下行李, 先去醫肚, 正在下雨中, 諗住食完野在附近行
一陣就是, 唔走得遠!
未諗到吃什麼, 祇是隨意! 6點就搵食,今天早一點吃吧!!
選擇咗呢間, 都唔知好唔好食, 搏一搏唔駛兩頭撲.
得出結果.............哈哈, 係一般, 不過初黎報到, 好又一餐,
唔好又一餐, 無所謂啦 !
第一天0既戰鬥都算強, 食咗個飯, 行咗大約2~3小時商場,
又係補充體力時間, 10點幾, 宵夜時間!
呢間麵館好似ok, 坐滿人, 唔會太差掛, 試下先, 又係落緊雨
0既時候, 都唔可以走太遠!
大風吹, 入黎食碗麵暖下!
仲買咗盒士多啤梨添 !
又平, 又靚, 又甜又多汁! 唔食對唔住自己啦 !
其實今次旅程, 都有諗過唔寫出黎, 浪費金錢同時,
又浪費咗我d 假期. 所以奉勸大家, 千萬要小心選擇
一起旅遊的伙伴, 可能成為你一生中難忘0既不愉快經歷 !
但又咁諗, 無理由, 為咗人地0既錯, 要懲罰自己, 我都係
鍾意分享生活點滴, 都係唔駛諗咁多喇 !
沒有留言:
發佈留言
歡迎大家俾意見多多指教!