葡萄籽XO醬
今次做了拾瓶同好朋友分享下!
今次用葡萄籽油, 應該有益D 0既, 雖然為食, 為食都盡量
用料好D , 搜集邊樣最好用邊樣 !
今次份量 ~~~~~做了十瓶
材料 :
江瑤柱 1斤 4 両
蝦米 5 両
金華火腿 5 両
鹹魚 5 両 (淨肉計) 馬友或糟白都可以, 如揀馬友要選擇林身d.
指天椒 我放咗45隻 (連籽切碎)
乾指天椒 10隻 ----- 原隻
蒜頭 2 個 (切成茸) 係2整個唔係2粒呀
乾蔥 8 粒 (切成茸)
葡萄籽油 2.7公升 (即是2大樽再加多一瓶用了7成)
蠔油 4湯匙
蒜茸豆辨醬 3湯匙
紹興酒 3湯匙 (我這裡沒有落)
鷄粉 2茶匙 (我這裡沒有落)
做法
1. 將蝦米浸水洗淨, 涼乾, 備用.
2. 江瑤柱洗淨, 水浸過瑤柱, 格水蒸1個鐘, 蒸前
要浸2 - 3個鐘, 蒸好搣成絲(可用機打散), 備用.
3. 金華火腿用水浸過, 蒸45分鐘至1小時, 倒去水搣絲, 備用.
4. 鹹魚蒸半小時, 倒去水份, 搣碎, 備用.
5. 乾蔥, 蒜頭, 指天椒切碎 (指天椒因個人辣度放多少).
6. 將油下鑊, 加熱, 但不要滾時將火較回中細火, 下蒜茸, 乾蔥粒炒,
大約15-20分鐘, 微微金黃, 下指天椒粒炒10分鐘.
7. 放入瑤柱炒25-30分鐘至乾身, 放入雲腿, 咸魚, 蝦米乾指天椒
炒15-20分鐘, 放入調味料蠔油, 豆辨醬,可試一試辣味足夠與否,
如不夠辣, 可剪碎部份乾指天椒, 因每個人口味有別 !
8. 酒 (可放可不放), 鷄粉 (可放可不放, 我沒有放)
鐘略炒8-10分, 立即放入已消毒的玻璃瓶, 蓋上蓋子, 完成 !
溫馨提示
~~~~~可隨自己喜好, 放辣椒份量加減! 緊記試味, 起初不要狂放辣椒,
不夠可在第8部份放入乾辣椒或加辣椒油.~~~~~
請大家多多支持讚好吖!
沒有留言:
發佈留言
歡迎大家俾意見多多指教!