脆皮宇治綠茶紅豆月餅

脆皮宇治綠茶紅豆月餅

為好友做自己未造過0既口味, 知佢鍾意, 
自己造, 好唔好食都好, 起碼健康d , 選料
上盛d , 入面放入咗d 咩, 都一清二楚 !






今次做咗11個52g 份量 !



其實我自己都鍾意綠口味, 今次借d 二整呢個口味之外,

自己又有得食, 太好了 !

脆皮綠茶紅豆月餅食譜 :

餅皮

1.  低筋麵粉              170g
2.  糖                           30g
3.  蛋                           17g
4.  牛油                      130g
5.  淡奶                       35g
6.  吉士粉                   17g
7.  綠茶粉                   23g

*     鹹蛋黃隔水蒸約5分鐘至鹹蛋黃熟(表面變色即可)，待

         涼，每個用刀切分為1/3備用，大約5-6g一粒。

紅豆饀  - 我今次去上海舖買, 其實各烘焙店都有賣0既! 因為
只做咁少, 好難煮到 d 紅豆0既, 但煮得多放係度, 又覺得唔好
食, 都係要新鮮煮, 咁少所以決定買現成啦 ! 用了220g.

餅皮做法 :

1 .  將糖放入牛油搓勻，再放入蛋搓。

2 .  放入吉士粉、麵粉(先和綠茶粉拌勻)搓勻。
       (麵粉外圍切入法)

3 .  最後加入淡奶，慢慢續少加入搓至完全吸收。
       我今 次用紅豆包住5-6g咸蛋黃共25g, 皮27g , 共52g
       一個，共做了11個, 點解50g月餅模會做52g 呢,  因為我        
       鍾意高身d , 覺得靚仔d, 如果做番正常, 可以饀和皮各減 
        1g便可!

月餅做法

1.  將紅豆餡切分成11粒(加埋鹹蛋黃約25g)，搓圓用拇手弄
         一個小窩，包入鹹蛋黃備用。

2 .  將月餅皮麵糰搓成長條放雪櫃半小時定形後，分成多份
           小麵糰 (27g)，用手壓薄，包入餡料。

3 .  己包餡之麵糰表面薄薄地撲上一層麵糰粉，放入餅模平
          均壓好，然後將餅壓出，放置己鋪錫紙或已掃油的焗盤        上。


入爐前做法

1 .  預熱焗爐20 - 30分鐘，面火攝氏280度，底火攝氏160度。

2 .  320-360度先焗2分鐘，較回280度 (如無上下火就要小
         心自己個爐)。

3 .  放入底盆隔底火，繼續焗6分鐘取出，等約15分鐘，再         放入焗爐160度焗12分鐘(這時候又要小心面火了如開始       上色而尚有剩餘時間, 就要加錫紙擋面火, 即成。


~~~補充一下, 我呢部唔係專業焗爐, 爐溫只可去至240
      度, 預熱時間要長d，起碼要30~40分鐘。~~~



請大家多多支持讚好吖! 

https://www.facebook.com/conconkitchen


其他種類月餅

伯爵茶曲奇食譜  
http://connieblogkitchen.blogspot.hk/2014/08/blog-post_21.html

脆皮奶皇月餅
http://connieblogkitchen.blogspot.hk/2014/08/blog-post_4.html

脆皮黑糖紫薯月餅
http://connieblogkitchen.blogspot.hk/2014/08/blog-post.html

廣式迷你白蓮蓉月餅
http://connieblogkitchen.blogspot.hk/2014/08/blog-post_31.html