牛油磅蛋糕
越簡單, 就越難做得好, 牛油蛋糕對我黎講都
整咗好多好多次先叫做我會keep住食譜, 真係
好似每次都梗係覺得我唔會想跟食譜再做, 因
為唔滿意, 呢個係我暫時終於覺得可以keep
又好食0既食譜.
係咪爆得唔錯呢 ! 我好鍾意佢爆成咁, 哈哈 !
食譜 ：
牛油 200g (我今次用總統牌牛油 )
糖 145g
蛋 3隻
低筋粉 200g
海鹽 1/ 3 茶匙
淡奶 70g
泡打粉 4g
蘭母酒 15g
真係要將d 粉拌勻先得架, 要好似圖咁滑囉 !
做法 ：
1. 將低筋粉加泡打粉過篩2次，加入鹽拌勻。
2. 糖加入牛油打至糖全溶至淡黃色，大約8分
鐘至10分鐘時間，再分3至4次加入蛋，打勻。
每次蛋打勻後才加下一次蛋.
3. 用膠刮分3次拌入粉，拌至完全均勻後分2次加入奶，
最後加入蘭母酒，倒入已舖牛油紙長方形模中，這個
份量用一個磅蛋糕模用嘅時間，放入已預熱焗爐170
度，焗38-45分鐘，用竹簽試中間位熟程度，沒有粉
漿便可出爐了。
溫馨提示 :
焗爐爐溫每家不同, 時間隨焗爐而加減, 請留意用
竹簽試中間位, 無濕0既粉漿就即係已熟, 如自家
焗爐比較火猛, 就要看上火或下火比較強烈, 可在
中途放多一個焗盆係底, 以免蛋糕表面過熟燶咗, 而入
面都未熟 !
沒有留言:
發佈留言
歡迎大家俾意見多多指教!