食咗勤力豆沙包, 日日卷!
原味瑞士卷可以停一停, 整第d 口味喇,雖然好耐之前整過, 但係而
家都希望再可整靚d !
好鍾意呢款瑞士卷, 好靚又好味!
今次自己食譜, 集合呢排0既感覺 ! 其實用咗4至5個
食譜試架喇! 覺得呢個啱我, 我同家人最鍾意.
材料：
A) 蛋黄 4隻 (中型蛋) 大約90g
糖 20g
菜油 30g
鮮奶 40g (淡奶也可)
B) 蛋白 6隻 (中型蛋) 大約180g
砂糖 60g
鹽少許 ( 幾粒幼鹽)
白醋或檸檬汁幾滴
C) 低筋粉 95g
饀料 :
淡忌廉200g加砂糖22g打起 (如果懶就可以200G甜忌廉打起就得喇)
士多啤梨粒和藍莓適量
做法：
1. (B材料) 蛋白打至起泡，加鹽，打至细白泡沫，
立刻分3次加入砂糖，打至提起有彎鉤。
2. (A材料) 蛋黄和砂糖坐暖水大約40度左右混合，
攪拌到變淡黃微微杰身，加入全部菜油拌勻，
再分次加入奶。係呢個時候篩入低筋粉拌勻.
3. 把1/3蛋白加入到蛋黄中，拌匀。將蛋黃糊倒回2/3蛋白
糊拌勻。
4. 把面糊倒入鋪了油纸的焗盆中，雙手揸住焗盆拷幾下,
下面再放多一個烤盆， 放入已預熱175度的焗爐(上下火)，
焗15 - 20分鐘至表面上色均匀, 如發現一邊深色少少, 焗至
一半時間左右,快手轉個位置不要影響蛋糕。
5. 出爐把蛋糕體倒扣放在新牛油紙放在涼架上，解開四角
的撕開蛋糕體的牛油纸蓋回放凉。
6. 查忌廉的一方打橫輕輕介上幾刀, 把打發的淡忌廉抹平，
留下四邊少少位不用查了, 因為卷的時候會有少許走到邊
位置，排上士多啤梨同藍莓，卷起来，用油纸包好，放
入雪櫃最少雪 2個鐘定型，攪掂。
少少分享 ! 希望大家都做到自己喜愛0既瑞士卷!
*想知道其他瑞士卷食譜, 請找蛋糕分享裡面0既蛋卷
分享就有好多不同配搭架喇!
分享就有好多不同配搭架喇!
沒有留言:
發佈留言
歡迎大家俾意見多多指教!