老種高溶點芝士軟包

老種高溶點芝士軟包





想做這款包包好耐喇, 終於dik 起心肝, 真係好味道!

做完這款包包之後, 我相信好多朋友都會有同感, 好快會

想再整, 簡直老種即係老種, 好穩陣, d 包好正好正!

多謝朋友無私奉獻0既食譜, 可以與眾同樂, 一齊分享

做包樂趣.

健康包包由自己一手做, 心情都唔同d , 仲要咁好味, 

真係大大滿足架!

呢款包包唔放芝士, 我相信可以放煙肉, 火腿, 粟米, 餐肉

或者蛋, 都一樣咁好味!



老種高溶點芝士軟包




我今次做0既份量係加咗, 因為驚唔夠我呢個大食王食, 哈!


食譜  :

材料  :

老種  :

高筋粉                 150g
鮮酵母                    5g
水                         90g
糖                           3g
鹽                           1g

做法  :    混合後放入已掃油盆中, 發2-3小時. 我今次份

              量用咗80g 所以未發酵前, 先取今次份量放入

              分盆中發酵, 餘下用保鮮紙包好, 每次作法份

             量放入冰格 ( 下次用前室溫一小時 ).

芝士軟包材料  :

高筋粉                           200g

老種                                80g

鮮酵母                            6g  (乾酵母3g)

水  (溫水)                               120g

鹽                                   1.5g

糖                                   23g

高溶點芝士                     90g

牛油                                18g

做法   :

1.  先將酵母放入溫水中, 除牛油和芝士外, 所有混合

     加回酵母水, 搓至柔,最後加入牛油搓至薄膜.

2.  放入盆中發酵麵糰至2倍大, 取出滾平 , 搓回圓型, 

    靚止10分鐘, 取出滾平至正方形, 放入芝士, 卷成長

    条,  切成9件, 發至2倍大, 面灑上高筋粉. 入爐175度

    焗大約12分鐘!  因每個爐溫有異, 留意上色可以出爐!