朱古力糖漬橙磅蛋糕 - 附食譜

朱古力糖漬橙磅蛋糕






做了好味道朱古力磅蛋糕, 配合這個糖漬橙,

簡直天衣無蓬啊!



嘻嘻, 呢度唔好講, 衰多手, 舖咗塊錫紙係面, 諗住

等佢無咁易燶, 点知佢高得比我想像中快, '痴' 住咗

添, 爛面 , 好彩係有野舖係面啫, 可惡.



淋咗d 糖霜係面, 起初家人一見到糖霜就話做咩淋

糖霜呀,好甜架喎!

但係我就回答, 靚吖嘛! 但係當一食個陣, 即刻笑出

黎, 咦, 原來自己整又唔同, 無咁甜同好食d 架噃, 仲脆

脆地添, 可能即刻食原因, 無受過潮! 特別正啊!

係街買都係放咗一段時間, 所以會唔同, 好食好多!

















好食到停唔到口, 唉, 真係唔可以整咁多次, 唔係就大件事!

糖漬橙朱古力磅糕食譜

牛油                      200g

糖                          160g

全蛋                       3隻

低筋粉                 180g

朱古力粉              25g

鹽                           1g

淡奶                      45g               

泡打粉                   6g

蘭母酒                   8g

雲尼拿油                 1茶匙  (可不放)

做法  :

1.    低筋粉加入可可粉, 泡打粉過篩2次

        後加入鹽拌勻 .  (備用)

2.    牛油加糖打勻至淡黃色, 分2-3次加入蛋.

3.    將低筋粉(1)部份加入第(2)拌勻後分2次

       入淡奶.

4.    加入蘭母酒後加入雲尼拿油, 倒入己舖牛油

       紙的磅蛋糕模中掃平面, 放入已預熱焗爐, 焗

       30-40分鐘, 30分鐘用竹簽試, 每個爐溫有不同

       所以要以測試為準!

       我今次用200度焗20分鐘+ 160度焗15~25分
       鐘,每家爐溫有異，請用竹簽試熟透為準。

5.    放涼後淋上糖霜, 再加入糖漬橙裝飾, 完成!

糖霜做法  :

icing sugar                                1 CUP

新鮮檸檬汁                          1.5  湯匙

做法  :

用打蛋器將檸檬和icing sugar 混合即可!

糖漬橙做法 :

 砂糖加水煮至滾起, 放入橙片, 當糖水再次滾起，

便可離火，蓋上蓋子放於室溫處浸泡一整天備用 .

跟yahoo新煮意就會搵到-------------糖漬橙做法.