唔知係咪心理作用, 始終都係覺得自己炸腐竹好味d 咁!
本身食譜無腐竹同蒜仔, 但我家人鍾意食,所以我加咗!
我本身真係唔知原來要落竹蔗架噃, 哈哈 !
淨係睇樣都知個汁有幾和味啦, 係咪!
家人超讚, 話以後都要自已整, 因為咁好味同埋可
以唔駛每人得2-3件食咁少, 自己真材實料, 又好味
又夠食!
食譜 :
羊腩 1斤 ~ 斤半 (黑草羊,買到新鮮就最好)
馬蹄 半磅
竹蔗 1 小条
蒜頭 5粒 (切成蒜茸)
乾蔥 4粒 (切成乾蔥茸)
薑 4両 (厚切) 記住係要多d 薑, 係4兩, 唔係4片呀, 嘻嘻!
南乳 3分1磚
麵豉醬 1湯匙
果皮 1小片
冰糖 2粒 (大粒過龍眼小小-0既size就啱喇)
腐竹 隨意
蒜仔 隨意
米酒 3湯匙 (2湯匙出水時用, 1湯匙炆羊腩時用)
* 炆羊腩時水要蓋過羊腩,多一点也不怕, 算炆完多了, 可用
大碗裝住, 在淥菜食的時候慢慢加回羊腩汁 !
首先羊腩我個人認為, 買急凍都唔太差, 不過買到腩就會好食好多 !
做法
1. 將羊腩先出水, 水滾下羊肉, 再滾起放入米酒2湯匙 !
滾起出羊肉備用 !
2. 落油起鑊, 放入薑片, 炸薑步驟重要, 先將薑炸至金黃
色, 裝起備用 .
3. 先放入乾蔥, 蒜頭炒兩下,再放南乳, 麵豉醬, 炒至香味
四溢, 放回羊腩不停地炒拾幾下, 這時候放回薑, 加入
冰糖, 果皮, 馬蹄, 竹蔗, 下2湯匙米酒, 加滾水蓋過羊
腩炆中火, 大約一小時炆林, 用筷子試, 如未夠林可再
加回大火, 滾起熄火焗多20分鐘, 超好味羊腩煲出爐了!
如喜歡腐竹, 可在炆時候15-20分鐘前加入!我就喜歡5-10分鐘
前加一半, 食咗一陣再加餘下一半, 咁樣腐竹唔會林得濟, 因為
都係食食下羊腩先會食腐竹 !
請多多讚好, 多謝支持欣賞 !
https://www.facebook.com/conconkitchen
沒有留言:
發佈留言
歡迎大家俾意見多多指教!