日本自由行第五天 - 3月16日

日本自由行第五天 - 箱根~~~海盜船~~~大涌谷~~覽車~~日式燒肉午餐一天遊

咩野黎 ???? 係黑玉子 !




噢, 8点10分集合, 今天真係~~傷筋~~團, 搭車失去預算, 跑

到隻野咁, 好彩趕得設, 但聞說有位太遲, 領隊盡咗人事, 無

等喇, 己經等到8点8個字, 起程 !



正, 風景好優美 !



好有特色 !



早上似乎下過一場雨, 睇見樹枝上仍然掛上一點點0既

水珠 !



咦, 做海盜時間到喇, 我地要上船喇 !



跟住坐纜車上大涌谷 ! 佢d 纜車無海洋公園個d 咁驚, he he !









呢d 唔係源記糖水0既黑蛋, 係溫泉水浸出黎0既黑蛋啊 !



哎吔, 好有型呀! 



欣賞風景一輪過後, 都係帶我地成班人去醫肚時間喇, 午餐食我鍾意0既

燒肉, 正 !



任食, 食到你夠為止, 有壽司, 生果, 菜, 同飲品, 肉類有豬, 牛, 羊, 鷄, 自己

鍾意邊樣夾邊樣埋位, 慢慢燒 !



食飽飽到附近0既御殿場 outlet  購物 !

其實諗住見到咩啱就買就算啦, 但係估唔到無乜收穫, 

d 款好鬼out, 靚個d 就係超貴得9折左右, 咁格硬買又

唔太好, 點知原來呢度有Le Creuset 店舖, 見到想喊出

黎呀! 竟然矒盛盛, 唉, 已經係築地買咗d 麵碗同碟, 加埋

d 零食, 請問重有幾多kg 可以買呢, 好沮喪 !但係都要買

架 !少少啦 !





LC shop都幾大間噃, 想買agnis b袋, d 款仲又少又out, 

無收穫, 估唔到LC店大過agnis b  舖4 - 5倍 , 咁你諗到

有幾多款啦!



只買一袋, 真係無法啦, 天意 !

都係自己疏忽，唔知有LC, 唉！



日本先出0既呢隻色, 好似蝦肉0既粉色 !

呢幾日0既戰利品, 好可惜遇唔到少爺想買0既野!

我唔係特登架 !




車回到新宿後, 經過泡芙店, 好似好正咁噃, oreo 味泡芙, 正 !



好味道, 唔太甜, 可能而家日本人都有少少進化, 有 d 地方賣

0既甜食都唔會甜到癲喇 !