日本自由行第二天
一早起來, 看看酒店附近街道, 和晚上看到的有什麼不同 !
出發了, 第一站是雷門, 搭車去到淺草站出口,
簡單方便, 出口有指明是淺草寺方向, 上到地面, 見到一
些高大威猛0既建築物, 過去看看, 原來是唔妻橋 !
影咗幾幅相, 繼續找雷門 !
雷門行入去就看見這条商店街, 琳瑯滿目, 又有得睇,
又有得食! 還有些得意精品, 這裡也是買手信的一個好地方 !
不錯吧 !
一直行到尾就是淺草寺了 !
到此一遊, 入廟梗係拜下神啦, 不防提下大家, 如果
唔係過年過節, 你見到有著住和服0既女仔, 9成都係
同胞!
呢個木箱, 係放簽文0既櫃筒仔!
好喇, 行多陣昅昅先 !
有d 精緻0既醃物, 梗係買番幾包試下啦 !
試咗2間小店, 都是吃這類牛肉餅, 各有特式, 但和
朋友都比較喜歡右手邊呢間, 因為好香, 好有肉汁, 好好味,
入面有肉碎同洋蔥碎, 出面一層好似吉列皮咁, 但左邊呢間
雖然話係和牛, 但已經碎得緊要, 食唔到, 淨係日式咖喱味濃郁,
但都可以, 唔錯0既, 鍾意日式咖喱0既朋友會大讚 !
都幾大個架 ! 我地食乜都兩份食, 唔會一人 一個0既,
留番d 位食多d 唔同0既野吖嘛 !
噢, 到上野公園, 都係目的地之一, 我第三次黎喇, 不過以前係
點, 真係 己經無乜印象, 太耐了 ! 今次重溫啦 !
去到上野公園, 諗諗下都係食咗野先啦 ! 是但入咗一間
好似家庭式0既舖頭, 係個婆婆招呼我地 !鷄肉烏冬, 清清地,
頭先食d 野油油地, 食番呢個, C服晒 !
櫻花0既野局部地區都開咗少少幾棵咁大把囉!
再過多十多天就係最正0既賞櫻期喇 ! 不過可
以見到部份已經係Bouns 啊 !
d 雀好鬼死大隻 ! ^_^
我都係熊貓族黎架 ! ~~~~~~梗係啦, 成日掛住煲劇 !
行過街見到 d 麵包造型好可愛啊 !
嘻嘻, 呢度0既吉野家, 間間都唔同顏色架, 之前築地 個間
係綠色架 !
噢 ! 又到晚餐0既時間喇, 我就要去橋底, 搵番d 地道
0既日本野食, 呢度好熱鬧, 成街都滿晒人, 有d店舖仲
係齋企添, 好攪笑架 ! 好似蘭桂芳d bar 咁 !
我揀咗呢間叫大統領, 嘻嘻, 全部都係日文, 死末 !
結果都唔駛驚, 見人地叫咩, 自己都可以指指下, 另外加
上我地識少少, 扮代表0既日文, 唔駛驚叫唔到好野食噃 !
橋底黎架, 咁多間, 真係好難選擇, 呢度食野, 好地道,
周圍成間野淨係日本人架咋, 正 !
青魚同串燒鷄 !
共食咗8~9碟野, 飲咗一柸野, 我淨係飲茶, 無辦法啦,
飲酒都要講對手啊 ! 我朋友不是嗜酒之人, 我唔想自
酙自飲啊 ! 其實係因為咳咳, 扮唔飲啫, 哈!
今日少少收穫, 唔知係咪因為自己唔C 服, 所以都
掛住買藥多D ! 撞鬼囉 !
又大粒又甜又香0既士多啤梨, 諗咗好耐先食, 唔想仲
有幾日0既行程, 病到無晒癮就唔好啦 ! 但係...............
沒有留言:
發佈留言
歡迎大家俾意見多多指教!