生炒糯米飯 -附做法

我的生炒糯米飯




其實話說都有好多年前, 係朋友屋企食到佢家姐炒

0既糯米飯之後, 真係念念不忘, 係出面街食都始終

食唔到咁好味, 好唔明白, 亦都經過好長0既時間,

自己係唔敢試, 因為係唔同地方食店, 當中有出名

同唔出名, 但都覺得一般同唔好食, 所以覺得

應該係好難先整得好味!

當然可能亦都個人口味都唔定.

不過我相信啱多數人都覺得好食為主啦!


但係正野我都係覺得要分享下做法,  都希望大

家一齊有正正糯米飯食!

造麵包同蛋糕, 應該係話做咩都係, 原來只係小小竅

門, 足以影響成件事!

至於炒糯米飯, 大家唔駛擔心, 唔須要太大技巧, 只須

要耐心咁炒就得, 不過手力都唔可以缺少.

這個是我們4個大食人份量!

食譜  : 

1.   臘味................(臘腸, 潤腸, 臘肉) 唔喜歡食臘肉可以唔落0既
                                 臘腸潤腸共3条,  臘肉3份1条去皮
                                 先蒸10分鐘切粒備用
2.   冬菇.................3隻   (浸軟切粒)

3.   蝦米..................1湯匙  (大約浸20分鐘,澀乾水份備用)

4.   糯米..................12両    (大湯碗浸3小時備用)

5.   花生...................隨意    (這個在南貨舖買一小包就可以, 因只
                                               放少許, 所以買就算, 當然你也可自己整)

6.   老抽...................2湯匙  

7.   糖.......................2茶匙   (先和老抽拌勻)

8.   蔥花...................我沒有放   (因我自己不太喜歡)
                                      如喜歡最後放, 最後兜勻即上碟

* 其實臘味冬菇蝦米可以加減, 跟隨個人喜歡鍾意,

    當然又唔好鍾意到多過D 飯啦 ! 嘻嘻!

做法 :

1.   少許油先將臘味落鑊 ,放蝦米冬菇同炒香,聞到香氣炒

      多兩下,  不可以燶或乾, 撈起傋用.

2.    今次要放多一点油了, 放入浸軟糯米, 不停地炒, 不可

       以俾機會d 糯米(痴)底, 炒至全粒透明狀, 剛全粒透明

       時放老抽,如顏色不夠, 再逐少放些老抽, 如不夠咸味,

       但色夠, 可放些生抽, 一定要試到啱自己口味!

3.    試飯是否熟透, 如飯OK, 放入已準備臘味冬菇蝦米炒勻.

4.   如放蔥可最後下拌勻上碟, 如只是裝飾, 上碟後才放, 要

       放花生後才放, 可放芫茜比較靚!